【Airbnb辣招】海外地產專家：買加拿大、英國樓 賺滙率兼樓價

現時投資Airbnb風險大，一旦當地政府修例禁止短租民房，就會變成違法經營，加上日本、南韓等熱門城市已見飽和，買得太偏遠，樓價則不見上升。康宏國際地產行政總裁張永達反而看好，如加拿大多倫多、英國曼徹斯特（Manchester）及利物浦（Liverpool）等一線城市，樓市未過熱，同時又可賺滙兌收益。

張永達稱：「投資買樓做Airbnb唔係最ideal（理想）啦，尤其日本、韓門嗰啲大城市，大陸人又做（Airbnb）、台灣人、香港人都做，連日本自己人都做埋，大阪、東京已經飽和啦。」他指日本目前已有超過4萬間可供出租的Airbnb民宿，「除非你同幾個朋友用幾千萬買全棟民宿，有民宿牌照嘅，我見過3,000萬買一間大阪民宿，有21間房，再搵管理公司幫你經營，都有10厘回報。」如果資金較少，100萬以下有沒有選擇呢？張永達稱，可以投資全球樓市未過熱的城市，一線大城市例如加拿大多倫多及英國曼徹斯特（Manchester），利物浦（Liverpool）亦是回報較佳、風險較少的好選擇，預期樓價於未來7至10年將會翻倍。張永達稱，英鎊距離30年低位不遠，相信再跌穿機會不大，現時買英國樓可以賺滙兌，他舉例曼徹斯特一房200呎單位大約60萬港元，每呎3,000港元，兩房大約200萬，海外投資者可借七成按揭，只要拎50-60萬即可做業主，雜費及稅大約樓價的9%，回報6厘。而多倫多目前港人買樓，無需如溫哥華般額外交15%印花稅，不過當地樓價一年已升22%，一房索價200-300萬元，然而當地租金去年上升7%，出租後回報5-6厘，較香港更佳。

記者：張綺敏